ایمہ محدثین کے ہاں مسلّم ہے کہ قرآن کریم کے بعد صحیح ترین احادیث وہ ہیں جوصحیح بخاری اورصحیح مسلم دونوں میں موجود ہیں- اللہ تعالی رحمت فرمایے علامہ محمد فواد عبدالباقی پر جنہوں نے نہایت عرق ریزی سے بخاری ومسلم کی متفقہ احادیث کو اللولووالمرجان کی صورت میں یکجا کردیا- بعد ازاں کتاب کی اسی اہمیت کے پیش نظرسینکڑوں مدارس کے نصاب میں اسے شامل کرلیا گیا-لیکن چونکہ اس کتاب کی کویی مستقل شرح نہ تھی اس لیے مدرسین وطلبایے علوم دینیہ کو بعض مقامات پراسکے حل وتفہیم میں مشکل پیش آتی –اسی مشکل کے پیش نظرعصرحاضرکے معروف ریسرچ اسکالرحافظ عمران ایوب لاہوری نے اسکی شرح کا بیڑا اٹھایا جوآج بفضل اللہ زیورطباعت سے آراستہ ہوکرآپ کے ہاتھوں میں ہے- موصوف نے متن اورشرح کی تمام احادیث کی تخریج کی ہے-شرح میں جہاں صحیحین کے علاوہ دیگرکتب کی احادیث نقل کی ہیں وہاں ان پرصحت وضعف کا حکم بھی لگایا ہے- تشریح کیلیے زیادہ تر فتح الباری اور شرح النووی کو ہی پیش نظررکھا ہے-شرح میں طوالت سے بچتے ہویے اختصاراورجامعیت کو ملحوظ رکھا ہے- ہرحدیث کے بعد مشکل الفاظ کے معانی وفواید بھی قلم بندکیے ہیں- بطورخاص ہرمقام پرتعصب سے بالاترہوکرکسی خاص فقہی مکتبہ فکرکے بجایے محض دین اسلام کی ہی ترجمانی کی ہے- یوں سرورِعالم کے سنہری فرامین پرمشتمل قیمتی ہیرے اورجواہرات کی چمک دوچند ہوگیی ہے،جوطلبایے علوم دینیہ اوراساتذہ کرام کے علاوہ عام لوگوں کے دلوں کو بھی نورِایمان سے منورکرنے کیلیے نہایت اہمیت وافادیت کی حامل ہے- دعا ہے کہ اللہ تعالی اس مفید شرح کوسب کیلیے ذریعہ ہدایت بنایے – آمین!